समायोजन खबर खोटाङ, नेपालमा पछिल्लो २४ घण्टामा नेपालमा कोरोना भाइरसका थप ९७९ सङ्क्रमित भेटिएका छन् । पछिल्लो चौबीस घण्टामा गरिएको पीसीआर परीक्षणबाट पुष्टि भएको स्वास्थ्य तथा जनसङ्ख्या मन्त्रालयका प्रवक्ता डा. जागेश्वर गौतलमा बताउनुभयो । थपिएका सङ्क्रमितसँगै देशभरि कुल सङ्क्रमितको सङ्ख्या ४७ हजार २३६ पुगेको हो ।

प्रवक्ता डा. गौतमले निको हुने दर ६५ प्रतिशत पुगेको र हालसम्म ३० हजार ६७७ जना कोभिड–१९ सङक्रमित निको भएर घर फर्केका बताउनुभयो ।

उहाँका अनुसार क्वारेन्टिनमा चारहजार ७३९ जना सङ्क्रमित रहेका छन् । नेपालमा पछिल्लो २४ घण्टामो कोरोना भाइरसको कारण थप ११ जनाको मृत्यु भएको छ । कोरोनाका कारण ज्यान गुमाउनको संख्या कुल ३०० पुगेको स्वास्थ्य तथा जनसंख्या मन्त्रालयले जनाएको छ ।
यस्तै,काठमाडौं उपत्यकामा पछिल्लो २४ घण्टामा थप ३२६ जनामा कोरोना भाइरसको संक्रमण पुष्टि भएको छ । काठमाडौंमा २९३ जना, ललितपुरमा २० र भक्तपुरमा १३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।२०७७ भदौ २२ गते साँझ ६ :०९ मा प्रकाशित