समायोजन खबर खोटाङ, खोटाङसहित तीन जिल्लामा अवरुद्ध विधुत सुचारु भएको छ । बिहीबार रातीबाट खोटाङ, ओखलढुंगा र सोलुखुम्बु जिल्लामा अवरुद्ध विधुत शुक्रबार दिउँसोबाट सुचारु भएको हो ।

उदयपुरको चपन जंगलदेखी खोटाङको बड्कादियालेबीच ३३ केभी प्रशारण लाईनको फल्ट मर्मतपछि विधुत सुचारु भएको नेपाल विधुत प्राधिकरण दिक्तेल वितरण केन्द्रका प्रमुख रामदिनेश राय यादवले जानकारी दिए ।

विधुत अवरुद्ध हुँदा तीन जिल्लाका सेवाग्राहीहरु अन्धकारमा बस्न बाध्य बनेका थिए । यस्तै, सरकारी, गैर सरकारी, संघसंस्थाको दैनिक कामकाजमा पनि बाधा पुगेको थियो ।

सिरहाको लहानबाट बुईपा सव–स्टेशनसम्म ३३ केभी प्रशारण लाईन ल्याइएको छ । बुईपा सव–स्टेशनबाटै सोलुखुम्बु र ओखलढुंगामा पनि सोही विधुत विस्तार गरीएको छ ।२०७७ भदौ १९ गते दिउँसो ४ :४५ मा प्रकाशित