समायोजन खबर खोटाङ, खोटाङसहित तीन जिल्लामा विधुत अवरुद्ध भएको छ । बिहीबार रातीबाट खोटाङ, ओखलढुंगा र सोलुखुम्बु जिल्लामा विधुत अवरुद्ध भएको हो ।उदयपुरको चपन जंगलदेखी खोटाङको बड्कादियालेबीचमा ३३ केभी प्रशारण लाईन फल्ट भएकाले विधुत अवरुद्ध भएको नेपाल विधुत प्राधिकरण दिक्तेल वितरण केन्द्रका प्रमुख रामदिनेश राय यादवले जानकारी दिए ।

आज विहानैबाट प्राविधिकहरु जंगलमा पसेर फल्ट खोज्ने काम भइरहेकाले छिट्टै विधुत सुचारु हुने प्राधिकरण प्रमुख यादवले दावि गरे ।
विधुत अवरुद्ध हुँदा तीन जिल्लाका सेवाग्राहीहरु अन्धकारमा बस्न बाध्य बनेका छन् । यस्तै, सरकारी, गैर सरकारी, संघसंस्थाको दैनिक कामकाजमा बाधा पुगेको छ ।
सिरहाको लहानबाट बुईपा सव–स्टेशनसम्म ३३ केभी प्रशारण लाईन ल्याइएको छ । बुईपा सव–स्टेशनबाटै सोलुखुम्बु र ओखलढुंगामा पनि विधुत विस्तार गरीएको छ ।२०७७ भदौ १९ गते बिहान ११ :५ मा प्रकाशित