समायोजन खबर खोटाङ, वीरगन्जमा थप एक कोरोना संक्रमितको मृत्यु भएको छ । नारायणी अस्थायी गण्डक कोरोना अस्पतालमा उपचार गराइरहेका रौतहटको राजपुर, तुल्सीका ४० वर्षीय व्यक्तिको आइतबार बिहान मृत्यु भएको अस्पतालले जनाएको छ ।

मधुमेहका समेत बिरामी रहेका ती युवकमा पछिल्लो समय गम्भीर निमोनिया देखिएको थियो । शुक्रबार उक्त अस्पताल भर्ना भएका उनको उपचार क्रममा आइतबार बिहान ७ बजेर ४० मिनेटमा मृत्यु भएको नारायणी अस्पतालले जनाएको छ ।

यस्तै, पाटन अस्पतालमा उपचाररत एक कोरोना सङ्क्रमित २९ वर्षीय युवाको मृत्यु भएको छ । जिल्ला स्वास्थ्य कार्यालय ललितपुरका अनुसार मृत्यु भएका युवा ललितपुरका हुन् ।

उपचारको क्रममा ललितपुर निवासी युवाको शनिबार राति करिब दश बजे मृत्यु भएको अस्पलाले जनाएको छ । उहाँ साउन २८ गते अस्पताल भर्ना हुनु भएको थियो । पाटन अस्पतालमा शुक्रबार राति र शनिबार गरी चार जना सङ्क्रमितको मृत्यु भएको छ ।२०७७ भदौ १४ गते बिहान ११ :१९ मा प्रकाशित