समायोजन खबर खोटाङ, सरकारले सय गन्तब्य सूचिमा राखेको खोटाङको पर्यटकीय तथा धार्मिकस्थल बराहपोखरीको दुर्लभ रातो माछा चोरी गर्ने दुईजना पक्राउ परेका छन् । शुक्रबार बिहान माछा मार्दै गरेको अवस्थमा उनीहरुलाई बराहपोखरी चौकीको प्रहरीले पक्राउ गरेको हो ।
पक्राउ पर्नेमा बराहपोखरी गाउँपालिका–१ बराहपोखरीका ५७ वर्षीय प्रेम बहादुर राई र सोही स्थानका २७ वर्षीय जित बहादुर राई रहेको जिल्ला प्रहरी कार्यालय खोटाङका प्रवक्ता गोविन्द शाहले जानकारी दिए ।
अन्दाजी २० केजी रातो माछा चोरी गर्दै गर्दा उनीहरु पक्राउ परेका हुन् । उनीहरुलाई चिसापानी प्रहरीमार्फत थप अनुसन्धानका लागि जिल्ला प्रहरीका कार्यालयमा ल्याइदै छ ।२०७७ असार २८ गते बिहान ११ : ५७मा प्रकाशित