समायोजन खबर खोटाङ, राष्ट्रिय वृक्षारोपण दिवसको अवसरमा डिभिजन वन कार्यालय खोटाङ परिसरमा वृक्षारोपण गरिएको छ । आईतबार दिवसको अवसरमा सामुदयिक वन उपभोक्ता महासंघ र जिल्ला महासंघ खोटाङले वृक्षारोपण गरेका हुन् ।
स्वच्छ वातावरण बनाउनमा सहयोग पु¥याउने उद्देश्यले डिभिजन वन कार्यालय परिसरमा चाप, तेजपत्ता, सल्ला, किम्बुको विरुवा रोपेकोे सामुदयिक वन उपभोक्ता महासंघले जनाएको छ । सामुदयिक वन उपभोक्ता महासंघका अध्यक्ष राजेन्द्र राई, डिभिजन वन कार्यालय खोटाङका निमित्त प्रमुख अशोक पराजुली लगायतका पदाधिकारीले वृक्षारोपण गरेका हुन् ।

यस्तै, गाउँपालिका तथा नगरपालिकामा रहेको सामुदायिक वन उपभोक्ता समुहहरुले पनि चाप, ठिङग्रे सल्ला, ओखर, तेजपत्ता, रिठ्ठा लगायतको विरुवा वृक्षारोपण गरेको जनाएको छ ।२०७७ असार १४ गते राती ९ :४४मा प्रकाशित