समायोजन खबर खोटाङ, खोटाङको पश्चिमी क्षेत्रमा टेलिफोन सेवा अवरुद्ध भएको छ । उदयपुरको चित्रे टावरमा रहेको रेडियो लिङ्कमा समस्या आएका कारण करीव एक हप्तादेखी पश्चिमी क्षेत्रमा टेलिफोन सेवा अवरुद्ध भएको हो ।
चित्रे टावरमा रहेको रेडियो लिङ्कमा हप्तादिन अघिदेखी खरावी आएका कारण ति क्षेत्रमा प्रिपेड, पोष्टपेड र स्काई मोवाइल नचलेको नेपाल दुरसञ्चार शाखा कार्यालय खोटाङका प्रमुख खगेन्द्र बलम्पाकी मगरले जानकारी दिए ।
खरावी आएको रेडियो लिङ्क फेर्ने तयारी गरिएको भएपनि वर्षाका कारण चित्रे टावरसम्म पुग्न कठिनाइ भएकाले केही दिन ढिला भएको उनको भनाई छ । केही दिन भित्रमा टेलिफोन संचालनमा ल्याइने बताए ।
पश्चिमी क्षेत्रका हलेसी तुवाचुङ नगरपालिका, केपिलासगढी गाउँपालिका, ऐसेलुखर्क गाउँपालिमा र रावाबेंसी गाउँपालिकामा टेलिफोन पूर्णरुपमा अवरुद्ध छ । ति स्थानका कुनै–कुनै ठाउँमा भने ओखलढुङ्मा रहेको टावरले काम गरिरहेको बताइएको छ । टेलिफोन सेवा अवरुद्ध भएपछि सरकारी, गैर–सरकारी र व्यक्तीगत काम प्रभाबित भएको छ ।२०७७ असार १३ गते बिहान १० :३१ मा प्रकाशित