चिसाङ शेर्पा खोटाङ, बौद्ध सेतो गुम्बा काठमाण्डौको सामाजिक संस्था राङज्यूङ येशे शेनफेनले हलेसीमा राहत वितरण गरेको छ । शेनफेनले महेन्द्रदय मावि हलेसीमा अध्ययनरत विधार्थीहरुको ८८ परिवारलाई राहत वितरण गरेको हो ।
महेन्द्रदय माविमा कक्षा १ देखी कक्षा ६ सम्म अध्ययनरत विधार्थीलाई २०७५ सालदेखी समय समयमा निःशुल्क स्टेशनरी र नियमित टिफिन (खाजा) खुवाउदै आएको शेनफेनले उनै विधार्थीहरुको परिवारलाई शुक्रबार राहत वितरण गरेको बौद्ध सेतो गुम्बा काठमाण्डौका प्रतिनिधि पेम्बा दोर्जे शेर्पाले जानकारी दिए ।
राहत स्वरुप प्रति परिवार ३० केजी चामल, ३ केजी दाल, १ केजी नुन, १ लिटर खाने तेल र १ केजी मस्यौरा (तरकारी) वितरण गरेको हो ।
राहत गुम्बाकातर्फबाट प्रतिनिधि दावा शेर्पा, हलेसी तुवाचुङ नगरपालिकाकी नगर उपप्रमुख बिमला राई, महादेवस्थानका वडाध्यक्ष चयन्द्र राई लगायतले वितरण गरेका हुन् । २०७७ असार १२ गते साँझ ६ :५४ मा प्रकाशित