समायोजन खबर खोटाङ,  खोटाङको केपिलासगढी गाउँपालिका–२ खार्ताम्छाका ६५ वर्षीय डिल्लीराज राईको  छिमेकीको खुकुरी प्रहारबाट मृत्यु भएको छ । उनकी ६२ वर्षीय श्रीमती साममायाँ राई गम्भीर घाईते भएकी छन् ।

आईतबार स्थानीय ३६ वर्षीय छिमेकी शिबराज राईको खुकुरी प्रहारबाट गम्भीर घाईते भएका डिल्लीराजको हेलीकोप्टरमार्फत उपचारका लागि काठ्माण्डौं पठाउने तयारी गर्नेक्रममा मृत्यु भएको जिल्ला प्रहरी कार्यालय खोटाङका डिएसपी नारायणप्रसाद चिमोरियाले बताए ।
साममायाँलाई भने कैलास एयरको हेलीकोप्टरबाट काठ्माण्डौं पु¥याइएको प्रहरीले जनाएको छ ।

अभियुक्तले दम्पत्तीमाथि खुकुरी प्रहार गर्नुको कारण खुल्न बाँकी रहेको प्रहरीले जनाएको छ । काठ्माण्डौं बसिरहेका अभियुक्त लकडाउन अगाडि मात्र गाउँ आएको वडाध्यक्ष बलीराज राईले बताए । यस्तै, ऐसेलुखर्क गाउँपालिका–५ महेश्वरीका मणिकुमार राई सुसाईड नोटसहित झुण्डिएको अवस्थामा मृत फेला परेका छन् । उनले आत्महत्या गरेको प्रहरीले जनाएको छ ।
२०७७ जेठ २५ गते अपरान्ह ४ : ५६ मा प्रकाशित