समायोजन खबर खोटाङ, दिप्रुङ चुईचुम्मा गाउँपालिका–३ छोरम्बुकी १८ वर्षीया अस्मिता तामाङ मृत फेला परेकी छन् । बुधबार बिहान तामाङको शव घरभन्दा करिब दुई सय मिटर टाढा झुण्डिएको अवस्थामा फेला परेको हो ।

उनको मृत्युको कारण खुल्न बाँकी रहेको प्रहरीले जनाएको छ । युवती मृत फेला परेको विषयमा अनुसन्धान भइरहेको जिल्ला प्रहरी कार्यालय खोटाङका प्रहरी निरिक्षक आमोदकुमार खेरवारले बताए । शव परिक्षणका लागि जिल्ला अस्पताल दिक्तेल ल्याइएको छ । २०७७ बैशाख ३ गते अपरान्ह ३ :५६ मा प्रकाशित