समायोजन खबर खोटाङ, खोटाङमा श्रीमतीको खुकुरी प्रहारबाट श्रीमानको मृत्यु भएको छ । बराहपोखरी गाउँपालिका–१ बराहपोखरीकी ५० वर्षीया मेनुका राईले खुकुरी प्रहार गर्दा ५० वर्षकै छकुमार राईको मृत्यु भएको हो । श्रीमतीको खुकुरी प्रहारबाट राईको सोमबार दिउँसो घट्नास्थलमै मृत्यु भएको प्रहरीले जनाएको छ । राईको शव जिल्ला अस्पताल गाईघाटमा परिक्षण गरेर आफन्तलाई जिम्मा दिइसकिएको जिल्ला प्रहरी कार्यालय खोटाङका डिएसपी बामदेव गौतमले बताए ।

श्रीमानलाई खुकुरी प्रहार गर्ने मेनुकालाई ईलाका प्रहरी कार्यालय खोटाङबजारबाट खटिएका प्रहरीको टोलीले पक्राउ गरेको छ । पक्राउ परेका मेनुकालाई मंगलबार जिल्ला प्रहरी कार्यालय दिक्तेल ल्याइएको छ । मानसिक असन्तुलनको समस्याबाट पिडित रहेकी मेनुकाले श्रीमानको टाउको, ढाड लगायतका विभिन्न ठाउँमा खुकुरी प्रहार गरेका थिए । २०७७ बैशाख २ गते अपरान्ह ४  :१५ मा प्रकाशित