समायोजन खबर खोटाङ, खोटाङमा चट्याङ पर्दा दुई जनाको ज्यान गएको छ । शुक्रबार साँझ पानीसँगै परेको चट्याङले केपिलासगढी गाउँपालिका–१ फेदी तोमानेका पर्खजित राईको १५ वर्षीय छोरा राजमनी राई र छिमेकी ३८ वर्षीया निर्मला बिकको ज्यान गएको हो ।

पर्खजितको घरमा परेको चट्याङले उनको छोरा राजमनी र निर्मलाको घट्नास्थलमै ज्यान गएको जिल्ला प्रहरी कार्यालय खोटाङका प्रहरी निरिक्षक आमोदकुमार खेरवारले जानकारी दिए ।

चट्याङबाट निर्मलाको १४ वर्षीय छोरी मनकला बिक र ६ वर्षीय छोरा आसन बिक घाईते भएका छन् । उनीहरुलाई उपचारका लागि जिल्ला अस्पताल दिक्तेलतर्फ पठाइएको प्रहरीचौकी खार्ताम्छाले जनाएको छ । मनकलाको खुट्टामा र आसनको टाउको र घाँटीमा चोट लागेको प्रहरी निरिक्षक खेरवारले बताए ।२०७६ चैत ३० गते बिहान ९ :४९ मा प्रकाशित