समायोजन खबर काठमाडौं,

मिर्गौला प्रत्यारोपणपछि प्रधानमन्त्री केपी शर्मा ओलीको स्वास्थ्य स्थिर रहेको अस्पतालले बताएको छ । प्रधानमन्त्री ओलीको बुधबार त्रिवि शिक्षण अस्पताल, महाराजगञ्जमा मिर्गौला प्रत्यारोपण गरिएको थियो । उनी सोमबार अस्पताल भर्ना भएका थिए ।

अस्पतालका कार्यकारी निर्देशक डा. प्रेमकृष्ण खड्गाका अनुसार प्रधानमन्त्रीमा प्रत्यारोपण गरिएको मिर्गौलाले काम गर्न थालिसकेको छ । उनको मुख्य सुचांकहरु राम्रो अवस्थामा रहेको अस्पतालले जनाएको छ ।

प्रधानमन्त्रीलाई भान्जी नाता पर्ने समीक्षा संग्रौलाले  मिर्गौला दान गरेकी हुन्।  उनको अवस्था पनि सामान्य रहेको खड्काले जानकारी दिए।  प्रधानमन्त्री ओलीलाई अहिले आईसीयूमा राखिएको छ । २०७६ फागुन २१ गते साँझ ६:१४ मा प्रकाशित