चिसाङ शेर्पा खोटाङ,
खोटाङमा भारी हिमपात भएको छ । जिल्लाको उच्च लेकाली भूभागहरुमा भारी हिमपात भएको स्थानीयहरुले जानकारी दिएका छन् । हिमपातका कारण बुधबार बिहानैबाट चिसो वढेकोे छ ।

मंगलबार राती मेघगर्जन र असिनासँगै रुपाकोटडाँडा, पैयाँ, लाली, खार्मीको उच्च भाग, राखावाङ्देलको उच्च भूभाग, साल्पापोखरी, खिदिमा, टेम्के, सेल्मे, तावाभन्ज्याङ, चखेवाभन्ज्याङ, दोर्पा सिरान, छितापोखरी, वाप्लुखा लगायतका स्थानमा हिमपात भएको छ ।

हिमपात भए पनि केही मात्रामा परेको असिनाले भने लेकाली भेगका वालीनालीमा क्षति गरेको कृषकहरुले बताएका छन् । १९ पौषमा पनि जिल्लाको लेकाली भेगमा भारी हिमपात भएको थियो ।
२०७६ फागुन १४ गते बिहान ९ : ५६ मा प्रकाशित