समायोजन खबर खोटाङ,
खोटाङको हलेसी तुवाचुङ नगरपालिका–१ बाहुनीडाँडामा चुखाम–कुर्लेघाट सडक निर्माण गरिएको छ । दुई वर्षअघि राँगाकाटेबाट वडाकार्यालय, लिङलाम, झापा, डुम्रे हुँदै चुखामसम्म सडक विस्तार भइसकेको अवस्थामा पुःन यसपल्ट वडाकार्यालयको पहलमा चुखामबाट रुपटार, सुवीटार, ढोडेनी हुँदै सुनकोसी किनारमा पर्ने कुर्लेघाटसम्मको साँढे ५ किलोमिटर सडक विस्तार गरिएको हो । सडक विस्तारसँगै अव राँगाकाटेबाट कुर्लेघाटसम्म सवारी साधन आवत–जावत गर्ने वातावरण बनेको वडाध्यक्ष रुद्र राईले बताए ।

यस्तै, डुम्रेबाट चंखेपुसम्म पुग्ने २ किलोमिटर ३ सय मिटर सडक पनि खनिएको वडाकार्यालयले जनाएको छ । राँगाकाटे–कुर्लेघाट सडक विस्तार लगत्तै कुर्लेमा नगरपालिका र हेल्भेटास नेपालको साझेदारीमा १६ लाखको साझेदारीमा सुनकोसीको पानी तान्न लिफ्टीङ योजना सुरु गरिएको वडाध्यक्ष राईले बताए ।
२०७६ फागुन ६ गते बिहान ११ :२० मा प्रकाशित