काठमाण्डौ –

सरकारको कामदेखि सन्तुष्ट नरहेको भन्दै प्रदेश  नम्बर २  सरकारकी भौतिक पूर्वाधार तथा विकास राज्यमन्त्री डा. डिम्पल कुमारी झाले मंगलबार राजीनामा दिनुभएको छ ।

उहाँले राष्ट्रिय जनता पार्टी (राजपा) संसदीय दलको कार्यालयमार्फत मुख्यमन्त्री लालबाबु राउतलाई राजीनामा  दिनुभएको हो । उहाँको राजीनामा पत्रमा लामो समयदेखि राज्यमन्त्रीको हैसियत, पदीय मर्यादा र पदको प्रतिष्ठा जोगाउन प्रयास गरे पनि स्थिति अनुकूल हुने अवस्था नभएकाले राजीनामा दिएको उल्लेख गरिएको छ । उहाँले सांसद भएर काम गर्ने भन्दै सरकारको मुख दर्शक भएर काम गर्न नसकिने बताउनु भएको छ ।

२०७६ माघ १४ गते राती ८ :०९ मा प्रकाशित