योगिन राई काठमाण्डौ,
अभिनेता बिराज भट्टको निर्माण निर्देशन तथा अभिनयमा बनेको फिल्म साङलोको दोस्रो गीत सार्वजनिक भएको छ । झ्याम्मै आँखा झ्याम्मै बोलको डान्सिङ शैलिको गितमा निसान भट्टराई र अन्जु पन्तको स्वर, सुरेश अधिकारीको संगीत र निसान भट्टराइको शब्द, रामजि लामिछानेको कारियोग्राफि रहेको छ भने गीतमा फिल्मका मुख्य अभिनेता बिराज भट्ट, निकिता चाण्डक लगायत फिचर्ड छन ।

माघको २४ बाट प्रदर्शनमा आउने यस फिल्मको केहि अगाडि नै सार्वजनिक भइसकेको ट्रेलर र चरिले काफल टिप्यो बोलको गीतले चर्चा पाएपछि निर्माण टिमले दोस्रो गीत सार्वजनिक गरेका हुन । बिराज भट्ट फिल्मस प्रोडक्सन प्रालिको ब्यानरमा बनेको फिल्म एक्सन तथा समसामायिक कथाबस्तुमा बनेका छ । फिल्मको निर्मातामा तेज बहादुर खडका सिनेमाटोग्राफरमा मानकृष्ण महर्जन, सम्पादनमा अर्जुन जिसी, लेखनमा शिबम अधिकारी र एक्सनमा श्री श्रेष्ठ रहेको छ । फिल्ममा बिराज र निकितासँगै प्रकाश शाह कामेश्वर चौराशिया जयनन्द लामा आर पी पन्त लय सग्रौला अमित गिरी शिशिर भण्डारी लगायत कलाकारहरुको अभिनय छ ।
गीत हेर्नुहोस

२०७६ माघ १२ गते अपरान्ह ४ :५९ मा प्रकाशित