समायोजन खबर खोटाङ,
खसी चोरी गर्नेलाई प्रहरीले सार्वजनिक गरेको छ । बिहीबार राती रावाबेंशी गाउँपालिका–६ हौंचुरका चन्द्र बहादुर बरुवालको खोरमा बाधी राखेको अन्दाजी ३५/४० केजी तौलको खसी चोरी गर्ने सोही ठाउँका २० वर्षीय अमर नेपाललाई प्रहरीले आईतबार पत्रकार सम्मेलन गरी सार्वजनिक गरेको हो ।

चोरी गरेको खसी लादै गरेको अवस्थामा उनलाई सिन्धुलीको खुर्कोट खाङसाङमा खसीसहित शनिबार पक्राउ गरिएकोे थियो । ईलाका प्रहरी कार्यालय खुर्कोटको सहयोगमा पक्राउ परेका उनलाई जिल्ला प्रहरी कार्यालय दिक्तेलमा दाखिला गरेर जिल्ला अदालतबाट म्यादथप अनुमति लिई थप अनुसन्धान भईरहेको जिल्ला प्रहरी कार्यालय खोटाङले जनाएको छ ।
२०७६ मंसिर २९ गते साँझ ५ :५१ बजे प्रकाशित