समायोजन खबर खोटाङ,
खोटाङका एक युवाको मलेसियामा मृत्यु भएको छ । रोजगारीको सिलसिलामा मलेसिया पुगेका जन्तेढुङगा गाउँपालिका–५ चिसापानीका २८ वर्षीय टंक बहादुर सार्कीको सुतेकै ठाउँमा बुधबार मृत्यु भएको हो ।

मलेसियाको राजधानी क्वालालम्पुरस्थित एमयूएजेठ एफडिआरसिई कम्पनीमा कार्यरत सार्की चार महिना अघिमात्र मलेसिया गएका हुन् । सार्कीको के कारणले मृत्यु भएको हो भन्ने जानकारी आईनसकेको छिमेकी बाजेन्द्र विष्टले जानकारी दिए । सार्कीका ५ जना छोराछोरी छन् । मृतकको शव नेपाल ल्याउनका लागि पहल भईरहेको विष्टले बताए ।
२०७६ मंसिर १३ गते साँझ ७ :३५ मा प्रकाशित