व्यापारिक केन्द्र बाक्सिलाबजारको स्तरोन्नती

व्यापारिक केन्द्र बाक्सिलाबजारको स्तरोन्नती




चिसाङ शेर्पा खोटाङ,
जिल्लाको उत्तरी क्षेत्रको प्रमुख व्यापारिक केन्द्र बाक्सिलाबजारको स्तरोन्नती गरिएको छ । केपिलासगढी गाउँपालिका–४ बाक्सिलामा करीव ३० साल अघिबाट बाँसको टेका र चित्राले टहरा बनाएर चलिरहेको बाक्सिलाबजारलाई ट्रष्ट निर्माण गरेर नयाँ रुपमा स्तरोन्नती गरिएको हो ।

                                                           अहिलेको बाक्सिलाबजार । तस्विर चिसाङ शेर्पा

प्रदेश सरकारको १ करोड बजेटभित्र डिपिआरको बजेट कटाएर ८६ लाख ९ हजार २६६ मा निर्माण गरिएको ट्रष्टको शुक्रबार प्रदेशसभा सदस्य राजन राईले उद्घाटन गरेका छन् । २०७५ चैत्रबाट निर्माण उपभोक्ता समिति निर्माण गरेर निर्माण गरिएको ट्रष्टको काम गत साउनमा सकिएको निर्माण समितिका अध्यक्ष शिवकुमार राईले जानकारी दिए । १ वटा बधशाला सहित बजारमा १७ वटा फलामे ट्रष्ट निर्माण गरिएको छ । यसअघि यहाँ १ सय ३६ वटा टहरा थिए ।

                                                पहिलेको बाक्सिलाबजार । तस्विर चिसाङ शेर्पा

गाउँपालिकाको सवै वडा र छिमेकी नगरपालिका/गाउँपालिकाबाट समेत व्यापार/व्यावसाय गर्न आउने सर्वसाधरणलाई सुविधा दिनलाई ट्रष्ट निर्माण गरेर सहज बनाईएको हो । फलामे ट्रष्ट निर्माण गरेर व्यवस्थित बजार भएपछि बाक्सिलाबजारको मुहार फेरिएको गाउँपालिका अध्यक्ष कृष्णकुमार राईले बताए । यो विकासको राम्रो संकेत हो हामी यसरी नै प्रदेश, संघीय र स्थानीय सरकारको सहकार्यमा गाउँपालिका संमृद्ध बनाउन युद्धस्तरमा अघि बढेका छौ । कार्यक्रमका प्रमुख अतिथि प्रदेशसभा सदस्य राईले जनताले दिएको जनादेश इमान्दारीपूर्वक निर्वाह गर्नमा आफू जोडदार लागिरहेको बताए ।
२०७६ कार्तिक २२ गते साँझ ५ः५३ मा प्रकाशित

हाम्रो बारेमा


हाम्रो टिम


समायोजन खबर मिडिया ग्रुप प्रालिद्धारा सञ्चालित समायोजन खबर डटकमका लागि
अध्यक्ष चिसाङ शेर्पा
सम्पादक फुर्वा शर्पा
प्रेस काउन्सिल नेपाल दर्ता नं. ३०९÷०७५÷०७६
सूचना तथा प्रसारण विभाग दर्ता नं. ९८२÷०७५÷०७६

सम्पर्क


स्थायी लेखा नम्बर– ६०६६८६२५७
ठेगाना : दिक्तेल खोटाङ
सम्पर्क नं. ९८५२८४९४९५
इमेल : [email protected]



© 2019 Samayojan Khabar All Right Reserved | Site by : SobizTrend Technology