समायोजन खबर,

बर्खे अधिवेशन भनेर चिनिने संसदको चौथो अधिवेशन विहिबार अन्त्य भएको छ । गत वैशाख १६ गते सोमबारबाट सुरु भएको अधिवेशन आज सकिएको हो । यो अधिवेशन १ सय ४४ दिन चलेको थियो भने २ पटक राष्ट्रियसभा र प्रतिनिधिसभाको संयुक्त बैठक बसेको थियो ।

आजै राष्ट्रियसभाको अधिवेशन पनि सकिएको छ । यस अधिवेशनमा १७ वटा सरकारी विधेयक दर्ता भएकोमध्ये ७ वटा दुवै सदनबाट पारित भयो  । त्यसैगरी ५ वटा विधेयक सभामा पेश हुन बाँकी छ भने४ वटा विधेयक विभिन्न समितिमा विचाराधीन समेत छन् ।

प्रतिनिधिसभाको दोस्रो र तेस्रो अधिवेशनमा दर्ता भएका १९ विधेयकमध्ये ८ वटा दुवै सदनबाट पारित भएका छन् । ६ वटा विधेयक समितिमा विचारधीन छन् । मिडियासम्बन्धी विधेयक, नागरिकता विधेयकलगायतका विधेयकहरुभने थाती रहेका छन् । संसदमा दर्ता भएको गुठी विधेयक भने जनता तथा विपक्षीको ठूलो विरोध भएपछि सरकार आफैंले फिर्ता लिएको छ । चरम दबाबको बाबजुद सरकारले गुठी राष्ट्रियसभाबाट फिर्ता गरेको थियो ।

२०७६ असोज २ गते साँझ ५ :४५ मा प्रकाशित