चिसाङ शेर्पा खोटाङ,
खोटाङको दिक्तेलमा धुमधामका साथमा रोपाईजात्रा मनाइएको छ । हरेक बर्ष गाईजात्राको भोलीपल्ट मनाईने यो पर्वलाई यसबर्ष पनि दिक्तेलबजार सामाजिक गुठीको अगुवाईमा रत्नपार्कस्थित माटिकोरे खेलमैदानमा नेवारी समुदायले भब्यरुपमा रोपाईजात्रा मनाएका हुन् ।

रोपाईजात्रामा कलाकारहरु । तस्विर चिसाङ शेर्पा

दिक्तेलबजार सामाजिक गुठी, झिंगु नेवार समाज खाल्ले र सोल्मा सामाजिक गुठी संस्थाले रोपाईजात्रा देखाएका थिए । विभिन्न गुठीमा आवद्ध नेवारी समुदायका बालकदेखी बृद्धसम्मका मानिसहरु नेवारी भेषभुषामा सजिएर रोपाईजात्रामा सामेल भएका थिए । तीन समुहको रोपाईजात्रापछि नेवारी समुदायमा सम्बन्धित विभिन्न सांस्कृतिक कार्यक्रमहरु पनि भएका थिए ।

नेवारी गीतमा नृत्य प्रस्तुत गर्दै दिक्तेलबजार सामाजिक गुठीका कलाकारहरु । तस्विर चिसाङ शेर्पा

दिक्तेलबजार सामाजिक गुठीका सचिव नुरकाजी सैंजुका अनुसार रोपाईजात्राको अलवा लाखे, ठाकठुके, हाँस्यव्यंग्य, नेवारी नृत्य प्रस्तुत गरिएको थियो । सैंजुका अनुसार नेवारी समुदायको मुख्य चाडको रुपमा हरेक वर्ष मनाउदै आएको रोपाईजात्रालाई यसवर्ष उल्लासमय रुपमा निरन्तरता दिइएको हो ।

रोपाईजात्रामा कलाकारहरु । तस्विर चिसाङ शेर्पा

रोपाईजात्रा सदरमुकाम दिक्तेलसहित खार्मी, दोर्पा, बुईपा, अर्खौले, वाक्सिला, ऐंसेलुखर्क, खोटाङबजार, चिसापानी लगायत नेवारी समुदायको वसोवास रहेको स्थानमा मनाईने गरिन्छ । जनै पूर्णिमाबाट सुरुवात भएको लाखेनाच कृष्ण जन्मअष्टमी भोलीपल्ट विधिवत रुपमा समापन गर्ने गरिन्छ ।

रोपाईजात्रामा कलाकारहरु । तस्विर चिसाङ शेर्पा

२०७६ साउन ३२ गते साँझ ६ :३९ मा प्रकाशित