Samayojan khabar

Advertisment

SKIP THIS

वैज्ञानिक वन व्यवस्थापन कार्यक्रममा अवरोध

वैज्ञानिक वन व्यवस्थापन कार्यक्रममा अवरोध

अनलाईन लोगो



समायोजन खबर खोटाङ,
खोटाङको बुईपाका स्थानीयले वैज्ञानिक वन व्यवस्थापन कार्यक्रमलाई अस्वीकार गरेका छन् । डिभिजन वन कार्यालयमार्फत दिक्तेल रुपाकोट मझुवागढी नगरपालिका–१४ बुईपास्थित रातमाटाचौंर सामुदायीक वनमा सञ्चालन गर्न लागिएको वैज्ञानिक वन व्यवस्थापन कार्यक्रमलाई स्थानीय उपभोक्ताले अस्वीकार गरेका हुन् ।


वैज्ञानिक वन व्यवस्थापनका लागि सुरु गरिएको प्रारम्भिक सर्भे, तथ्यांक संकलन लगायतका काममा सामुदायीक वन उपभोक्ता महासंघ नगर समितिले रोक लगाएको छ । वन उपभोक्ता महासंघ नगर समितिको अवरोधपछि वैज्ञानिक वन व्यवस्थापन सम्वन्धीका काम अन्योलमा परेको छ । वैज्ञानिक वन व्यवस्थापनले सामुदायीक वनको संरक्षणभन्दा पनि भएका वन मासिने खतरा रहेको भन्दै उपभोक्ताले नगरपालिकाको कार्यालयमा गुनासो गरेपछि गत बिहीबार नगरप्रमुख दिपनारायण रिजाल, उपप्रमुख बिणादेबी राई, डिभिजन वन कार्यालयका प्रमुख अम्बीकाप्रसाद पौडेल, दिक्तेल रुपाकोट मझुवागढी नगरपालिका–१४ बुईपाका वडाध्यक्ष दिनेश राई, सामुदायीक वन उपभोक्ता महासंघका प्रदेश समिति सदस्य रामकुमारी राई, महासंघका जिल्ला अध्यक्ष राजेन्द्र राई लगायतको बीचमा छलफल भएको थियो । यद्यपी सो बैठकले ठोस निर्णय लिन नसकेको बताइएको छ ।

वैज्ञानिक वन व्यवस्थापनको नाममा गरिने क्रियाकलापले जैविक विविधता नाश हुने भएकाले उपभोक्ताले विरोध गरेको हो । बैज्ञानिक वन व्यस्थापन कार्यक्रम उपभोक्ता हित विपरित भएकाले आफुहरुले असहमति जनाइएको सामुदायिक वन उपभोक्ता महासंघ, जिल्ला महासंघ खोटाङका अध्यक्ष राजेन्द्र राईले बताए । बैज्ञानिक वन व्यवस्थापन प्रणालीका नाममा गरिने क्रियाकलापहरु वनको व्यवस्थापन भन्दा पनि रुख कटान गर्ने र काठ व्यापार गरी राजस्व आर्जन गर्ने वा व्यापारिक मुनाफा कमाउने उद्देश्य राखिएको हुन्छ ।

तत्कालिन साम्राज्यवादी मुलुकका सरकारहरुले निजी कम्पनीहरु मार्फत ठूला प्राकृतिक वनहरुको रुख कटानका लागि अफ्रिकी देशहरुका साथै इन्डोनेशीया, मलेसिया, फिलिपिन्स, ब्राजिल जस्ता मुलुकमा यस्तो वन व्यवस्थापन पद्धति अपनाइएको थियो । यसबाट ठूलो वातावरणीय, सामाजिक र आर्थिक क्षति भएकोले विश्वका प्रायः सबै मुलुकहरुले वैज्ञानिक वन व्यवस्थापन पद्धति परित्याग गरिसकेका छन् । यस्तो किसिमको वन व्यवस्थापनको निर्णय प्रक्रिया र कार्यान्वयनमा सरकारी कर्मचारी र निजी कम्पनीहरुको नियन्त्रण रहेको हुन्छ र समग्र प्रक्रियामा स्थानीय समुदाय तथा सरोकारवालहरुको कुनै पहुँच रहेको हुदैन ।
२०७६ साउन २० गते साँझ ७ :०२ मा प्रकाशित

हाम्रो बारेमा


हाम्रो टिम


समायोजन खबर मिडिया ग्रुप प्रालिद्धारा सञ्चालित समायोजन खबर डटकमका लागि
अध्यक्ष चिसाङ शेर्पा
सम्पादक फुर्वा शर्पा
प्रेस काउन्सिल नेपाल दर्ता नं. ३०९÷०७५÷०७६
सूचना तथा प्रसारण विभाग दर्ता नं. ९८२÷०७५÷०७६

सम्पर्क


स्थायी लेखा नम्बर– ६०६६८६२५७
ठेगाना : दिक्तेल खोटाङ
सम्पर्क नं. ९८५२८४९४९५
इमेल : [email protected]



© 2019 Samayojan Khabar All Right Reserved | Site by : SobizTrend Technology