६ जनालाई तुवाचुङ साप्ताहिक पुरस्कार

समायोजन खबर खोटाङ,
खोटाङबाट प्रकाशित हुँदै आएको तुवाचुङ साप्ताहिक पत्रिकाले पत्रकारिता, समाजसेवा, खेलकुद र साहित्य पुरस्कार प्रदान गरेको छ । आफ्नो प्रथम बार्षिकोत्सवको अवशर पारेर पत्रिकाले जनही १५ हजार राशीको तुवाचुङ पत्रकारिता पुरस्कार नागरिक दैनिकका पत्रकार दमन राई, कान्तीपुर टिभीका पत्रकार उत्तम चौंलागाई र नयाँ पत्रिका दैनिकका पत्रकार केदार मगरलाई प्रदान गरेको हो । पत्रकार राई नेपाल पत्रकार महासंघ शाखा खोटाङका अध्यक्ष, मगर महासंघको प्रदेश पार्षद तथा चौंलागाई शाखाका सचिव समेत हुन् ।

 

यस्तै, जनही १५ हजार राशीको तुवाचुङ साप्ताहिक पुरस्कार समाजसेबी जनकराज राईलाई, तुवाचुङ साप्ताहिक खेलकुद पुरस्कार सतोरियो करातेकी अन्तर्राष्ट्रिय रेफ्री शेशुका राईलाई र तुवाचुङ साप्ताहिक साहित्यिक पुरस्कार हलेसी तुवाचुङ नगरपालिका–५ दुर्छिम साल्तेम्माका साहित्यकार विक्रम चेतनशील राईलाई प्रदान गरिएको छ ।


नगरपालिकामा जन्मिएर शहरमा बस्दै आएपनि आफ्नो गाउँ–ठाउँको विकास निर्माणमा निरन्तर महत्वपूर्ण योगदान दिएकामा समाजसेवी जनकराजलाई र नेपाल सहित श्रीलंका, भारत लगायतका देशमा निर्णायकको भूमिका निर्वाह गरेर खेलकुदका माध्यमबाट देशको नाम उच्च राख्न योगदान पु-याएका निर्णायक शेशुकालाई पुरस्कार प्रदान गरिएको तुवाचुङ साप्ताहिकका प्रकाशक/सम्पादक दिपेन्द्र राईले बताए । साहित्यकार विक्रम चेतनशीललाई उनको खस नेपाली, अंग्रेजी, चाम्लिङ राई र किरात लिपिमा प्रकाशित ‘तुवाचुङ’ नामक गजलसंग्रहका लागि साहित्य पुरस्कार प्रदान गरिएको हो । पत्रिकाले हलेसीस्थित होटल हलेसी भिलेजमा वार्षिकोत्सव मनाएको हो । पुरस्कृत व्यक्तीत्वहरुलाई हलेसी तुवाचुङ नगरपालिकाका नगरप्रमुख इवन राई र उपप्रमुख विमला राईले पुरस्कार हस्तान्तरण गरेका थिए ।

 

वार्षिकोत्सवको अवशरमा शाखा अधिकृतबाट अवकाश लिएपछि गाउँ फर्किएर समाजसेवामा क्रियासिल भूपेन्द्रकुमार राई, समाजसेवी श्यामभन्द्र राई र नयनकुमार राईलाई पनि सम्मान गरिएको छ । कार्यक्रमका बक्ताहरुले स्वतन्त्र र निस्पक्ष पत्रकारिताको आवश्यकतामाथि चर्चा गरेका छन् । ग्रामीण पत्रकारितालाई मजबुद बनाउने लक्ष्य बोकेर २०७५ साउन ४ बाट प्रकाशन सुरु भएको तुवाचुङ साप्ताहिक आवाजविहीनको आवाज बन्ने नारा लिएर निरन्तर प्रकाशन हुँदै आएको छ ।
२०७६ साउन ४ गते साँझ ७ :०२ मा प्रकाशित

प्रतिकृया दिनुहोस

सम्बन्धित समाचार


ताजा अपडेट

जालपामा ग्रामिण आँखा उपचार क्लिनिक स्थापना

समायोजन खबर खोटाङ, दिक्तेल रुपाकोट मझुवागढी नगरपालिका–१२ जालपास्थित जनसेवा...

दिक्तेल बोर्डिङ स्कुल च्याम्पियन

समायोजन खबर खोटाङ, तेश्रो जिल्ला स्तरिय अन्तर विद्यालय छात्र...

विधार्थीले कृषि उपज बेचेपछि…

चिसाङ शेर्पा खोटाङ, लफ्याङका विधार्थीहरुले आफैले उत्पादन गरेको कृषिउपज...

गौरिका सिंहले जितिन् अर्को स्वर्ण

समायोजन खबर काठमाडौं, नेपाली पौडी खेलाडी गौरिका सिंहले अर्को...

सुनको मूल्यमा लगातार गिरावट

समायोजन खबर काठमाडौं, पछिल्लो तीन दिनयता नेपाली बजारमा सुनको...

मुख्य समाचार

जालपामा ग्रामिण आँखा उपचार क्लिनिक स्थापना

समायोजन खबर खोटाङ, दिक्तेल रुपाकोट मझुवागढी नगरपालिका–१२ जालपास्थित जनसेवा...

दिक्तेल बोर्डिङ स्कुल च्याम्पियन

समायोजन खबर खोटाङ, तेश्रो जिल्ला स्तरिय अन्तर विद्यालय छात्र...

विधार्थीले कृषि उपज बेचेपछि…

चिसाङ शेर्पा खोटाङ, लफ्याङका विधार्थीहरुले आफैले उत्पादन गरेको कृषिउपज...

गौरिका सिंहले जितिन् अर्को स्वर्ण

समायोजन खबर काठमाडौं, नेपाली पौडी खेलाडी गौरिका सिंहले अर्को...

गुल्मीमा १० वर्षीया वालिका बलात्कृत

समायोजन खबर गुल्मी, गुल्मीमा स्कुल हिडेकी वालिकालाई वलात्कर...