चिसाङ शेर्पा खोटाङ,
प्रहरीले पक्राउ गरेका चारजना युवाहरुलाई तत्काल रिहाइ गर्न समाजवादी पार्टी जिल्ला समिति खोटाङले माग गरेको छ । नेपाल आदिवासी जनजाती महासंघ, मधेसी, मुस्लिम, दलित, महिला, अपाङ्गता भएको व्यक्तिहरु र पिछडिएको क्षेत्रको तर्फवाट गरिएको ‘आरक्षण बचाउ आन्दोलन’का क्रममा शनिबार विहान दिक्तेल बहुमुखी क्याम्पस क्षेत्रबाट पक्राउ गरेका युवाहरुलाई रिहाइको माग गरेका हुन् ।

आरक्षण बचाउ आन्दोलन अन्र्तगत पक्राउ परेका नेपाल आदिबासी जनजाती महासंघका सचिव रबिन खम्बु, महासंघका सह–सचिव लालबहादुर मगर, खोटाङ दलित विकास मञ्चका अध्यक्ष मिलन चाहार र सञ्चारकर्मी सविना अछामेलाई धर पकड तथा कुटपिट गर्दै अमानवीय व्यवहारसहित प्रहरीले पक्राउ गरेकोप्रती पार्टीको गम्भीर ध्यानाकर्षण भएको विज्ञप्तीमा जनाइएको छ । अधिकार प्राप्तीको आन्दोलनमा शान्तिपुर्ण ढंगबाट आफ्नो विरोध गर्न पाउने मौलिक हकलाई राज्यले सम्मान गर्नुपर्ने ठहर गर्दै गिरफ्तार गरिएका चारै जनालाई तत्काल रिहाई गर्न जोडदार माग गरिएको छ ।

प्रहरीले भने, लोकसेवा आयोगको पाँचौ तहको परिक्षा केन्द्रमा नक्कली प्रवेश पत्र प्रयोग गरी परिक्षा हलभित्र छिरेर प्रश्नपत्र खोस्ने प्रयासका क्रममा उनीहरुलाई नियन्त्रणमा लिएको डिएसपी बामदेव गौतमले बताए । सुरक्षा समितिको वैठक बस्ने र बैठकको निर्णय अनुसार रिहाई हुने/नहुने प्रक्रियामा जाने उनले बताए ।
२०७६ साउन ४ गते दिउँसो २ :४५ मा प्रकाशित