चिसाङ शेर्पा खोटाङ,
सामुदायिक वनहरुमा भएको कलकलाउदो सल्लाको रुख ताछेर खोटो संकलन गर्नाले वन मासिदै गएको छ । मुख्यगरी खोटाङको राजापानी, बड्कादियाले, लिच्कीराम्चे लगायतका जंगलबाट खोटो निकालिने गरेको पाइएको छ ।

खोटाङको खोटेहाङ गाउँपालिका–४ बड्कादियाले जंगलमा सल्लाको रुख काटेर खोटो थापिदैं । जिल्लाभरीको तल्लो भेगमा खोटो निकालेपछि जंगल मासिदैै गएको छ । तस्विर चिसाङ शेर्पा

खोटो संकलक र वन समितीबीच मापदण्ड अनुसारै अथवा मापदण्ड विपरीत जथाभावी खोटो निकाले पनि सल्लाका रुखहरु सुकेर जंगल सखापै हुंदै गएको छ । यसले वातावरणीय पर्यावरणमा ठूलो खतरा निम्त्याउने पक्का छ । नियमअनुसार एक हेक्टर वनमा पाँचदेखि १० वटा माउ रुखलाई सुरक्षित राख्नुपर्ने खोटो संकलन कार्य विधिमा उल्लेख छ । तर त्यसको पालना भएको छ/छैन कसैले ध्यान दिएको देखिन्दैन ।
२०७६ असार २४ गते राती ८ :४८ मा प्रकाशित