खोटाङमा अनलाईनबाट विधुत महशुल बुझाउन सकिने

खोटाङमा अनलाईनबाट विधुत महशुल बुझाउन सकिने




चिसाङ शेर्पा खोटाङ,
नेपाल विधुत प्राधिकरण वितरण तथा ग्राहक सेवा निर्देशनालय दिक्तेल वितरण केन्द्रले अनलाईनबाट विधुत महशुल बुझाउने व्यवस्था मिलाएको छ । एक दिनको बाटो धाएर सदरमुकाम दिक्तेल आई विधुत महशुल बुझाउने ग्राहकहरुको समस्यालाई मध्यनजर गरेर प्राधिकरणले अनलाईन प्रविधिबाट घरैमा बसेर महशुल बुझाउन सकिने व्यवस्था गरेको हो ।
वर्षौदेखी विधुत महशुल बुझाउन झन्झटिलो र खर्चिलो भएको व्यापक जनगुनासो आएसँगै हलेसी र खोटाङबजारमा महशुल बुझाउने मोवाइल काउण्टर सञ्चालन गरेर महुशल बुझिरहेको प्राधिकरणले बुधबारदेखी अनलाईनबाट विधुत महशुल तिर्न सकिने व्यवस्था मिलाएको कार्यालय प्रमुख राम दिनेश राय यादवले बताए । अनलाईनबाट विधुत महशुल तिर्ने व्यवस्थाले ग्राहकको समय र पैसाको सदुपयोग हुनेछ । अनलाईन महशुल भुक्तानीसँगै विदेशबाट पनि विधुतको महशुल तिर्न र हेर्न सकिने कार्यालय प्रमुख यादवले बताए ।
ई–सेवा, नेपाल इन्भेष्टमेण्ट बैक, हिमालयन बैंक, प्रभु बैंक, महालक्ष्मी विकास बैंक, पे–प्वाइन्ट, सिटी एक्सप्रेस र सिएफएस रेमिटको वेभसाईट तथा मोवाइल एप मार्फत विधुत महशुल तिर्न सकिने प्राधिकरणले जनाएको छ । सुरुवातमा ग्राहकलाई प्रविधि सम्बन्धि ज्ञान नहुने भएकाले ग्राहकका लागि कार्यालयको महशुल काउण्टरमा अनलाईनबाट महशुल भुक्तानी गर्ने जानकारी लेखिएको (फ्लेक्स प्रिन्ट)होर्डिङ बोर्ड राखिएको छ ।
२०७६ जेठ २ गते मध्यान्ह १ :५२ मा प्रकाशित

हाम्रो बारेमा


हाम्रो टिम


समायोजन खबर मिडिया ग्रुप प्रालिद्धारा सञ्चालित समायोजन खबर डटकमका लागि
अध्यक्ष चिसाङ शेर्पा
सम्पादक फुर्वा शर्पा
प्रेस काउन्सिल नेपाल दर्ता नं. ३०९÷०७५÷०७६
सूचना तथा प्रसारण विभाग दर्ता नं. ९८२÷०७५÷०७६

सम्पर्क


स्थायी लेखा नम्बर– ६०६६८६२५७
ठेगाना : दिक्तेल खोटाङ
सम्पर्क नं. ९८५२८४९४९५
इमेल : [email protected]



© 2019 Samayojan Khabar All Right Reserved | Site by : SobizTrend Technology