चिसाङ शेर्पा खोटाङ,
किरात राई यायोक्खा खोटाङको आठौं जिल्ला अधिवेशन बैशाखको चौथो हप्तामा हुने भएको छ । शनिबार दिक्तेलस्थित रत्नपार्क यायोक्खाको कार्यालयमा बसेको छलफलले आगामी बैशाख २४ र २५ गते दिक्तेलमा अधिवेशन गर्ने निर्णय गरेको हो । अधिवेशन सम्पन्न गराउनका लागि अन्जना राईको संयोजकत्वमा ३५ सदस्यीय आयोजक समिति गठन गरिएको छ ।
यस्तै, जिल्ला अधिवेशनका लागि विभिन्न उपसमितिहरु समेत गठन गरिएको छ । यायोक्खाका निवर्तमान उपाध्यक्ष हत्तिराम राईको संयोजकत्वमा ११ सदस्यीय व्याबस्थापन उपसमिति, निवर्तमान उपाध्यक्ष लक्ष्मी राईको संयोजकत्वमा ५ सदस्यीय आर्थिक उपसमिति, निवर्तमान सचिव युगसन किरातको संयोजकत्वमा प्रचार प्रसार उपसमिति, निवर्तमान कोषाध्यक्ष सन्जिब राईको संयोजकत्वमा ५ सदस्यीय साउण्ड सिस्टम उपसमिति गठन गरिएको छ ।

यसैगरी, नैनकला राईको संयोजकत्वमा ३ सदस्यीय अतिथि व्यवस्थापन उपसमिति र उदिम चाम्लिङको संयोजकत्वमा १० सदस्यीय स्यवंसेवक उपसमिति गठन गरिएको प्रचार प्रसार उपसमिति संयोजक युगसन किरातले बताए । छलफलले जिल्लामा रहेको २ नगरपालिका र ८ गाउँपालिका मध्ये बाँकी रहेको दिक्तेल रुपाकोट मझुवागढी नगरपालिकामा आगामी शनिबार नगर सम्मेलन गर्ने र अन्य बाँकी ४ वटा गाउँपालिकाहरुमा बैशाख १८ गतेसम्म गाउँ सम्मेलन गर्ने निर्र्णय गरेको छ । जिल्ला अधिवेशनसँगै खोटाङमा हुने किरात राई विधार्थी संघको नवौं राष्ट्रिय सम्मेलनलाई प्रचार प्रसारको रुपमा लैजाने समेत निर्णय भएको छ । नवौं राष्ट्रिय सम्मेलन बैशाख २६,२७ र २८ गते हुनेछ ।
२०७६ बैशाख ८ गते बिहान ९ः४४ मा प्रकाशित