चिसाङ शेर्पा खोटाङ,
खोटाङको सदरमुकाम दिक्तेलको मुख्य नाकामा रहेको कच्ची सडक जोखिम पुर्ण बनेको छ । जिल्ला समन्वय समितिको कार्यालय अगाडी र मालपोत कार्यालय पछाडीबाट केही वर्ष पहिले नाका खुलेको सडकमा बिछ्याइएका ठूलाठूला ढुंगालाई गाडी तथा मोटरबाईकले खोतलेर निकाल्दा सडक अत्यन्तै जोखिम बनेको छ । त्यसैत सडक डरमर्दो ओरालो र घुम्तीमा अवस्थित छ ।

सदरमुकाम भित्रिने तथा बाहिरने छोटो दुरीको सडकमा कसैको आँखा नजादाँ सडक ज्यानमारा बन्दै गएको छ । सडक ओरालो, घुम्ति तथा घुम्तिको मुनी अर्को कच्ची सडक रहेको छ । असरल्ल निस्किएका ढुंगाबाट सवारी साधन चिप्लिएर अथवा ब्रेक नलागेमा सिधै सवारी साधन घरमा बजारिने वा मान्छे माथि चड्नेछ । सो सडकमा दिनमा दर्जनौ गाडी तथा मोटरबाईक कुद्ने गरेको छ । सडक झन-झन बिग्रिरहेको छ । अचम्म त, सोही सडक प्रयोग गरेर जिल्लाका ठूलाबडाहरु दैनिक जसो यात्रा गर्छन् । सोही स्थानमा बसेर जिल्ला नै कायापलट गर्ने गफ चुट्छन् ।

जोखिमपुर्ण सोही सडक प्रयोग गरेर युवायुवती, बृद्धबृद्धाहरु समन्वय समिति र प्रशासनमा कामका लागि धाउनुपर्छ । उनीहरुको ज्यानको जोखिम उस्तै छ । सडक डिभिजन कार्यालय ओखलढुंगाले आलटाल गरेर निर्माण गरेको सडक अहिले प्रयोग गर्ननै मुस्किल भएको जिल्ला समन्वय समितिका एकजना सदस्यले बताए । यथासिघ्र नगरपालिकाबाट बनाउने भन्ने कुरा छ । उनले भने, मालपोत कार्यालयको पछाडी होचो सकडबाट नै सडकलाई काट्दै,काट्दै उकालो नष्ट गर्नेगरी समन्वय र मालपोतको पेटीपेटीमा सडक बनाउने सोच छ ।

जिल्ला समन्वय समितिको कार्यालय अगाडी रहेको जोखिम पुर्ण सडक । तस्विर चिसाङ शेर्पा

उक्त सडकको स्टीमेट तयार भइसकेकाले नगरले तुरुन्तै निर्माण गर्ने दिक्तेल रुपाकोट मझुवागढी नगरपालिकाका नगरप्रमुख दिपनारायण रिजालले बताए । ठूलो बजेटमा स्टीमेट तयार भएको छ । काम गर्दै जानेछौ, तत्कालका लागि मालपोेत कार्यालयदेखी समन्वयको ओरालोसम्म सम्याउने (बनाउने) छौ । त्यस क्रममा ओरालोमा रहेको समन्वय समितिको एक वटा एक घर समेत भत्काईने छ ।
२०७५ चैत्र २० गते अपरान्ह ४ः५९ मा प्रकाशित