समायोजन खबर काठमाण्डौ,
संवैधानिक परिषद्ले खाली रहेको प्रमुख निर्वाचन आयुक्त पदमा सचिव दिनेशकुमार थपलियालाई सिफारिस गरेको छ । संखुवासभाका थपलिया संघीय मामिला तथा सामान्य प्रशासन मन्त्रालयका बहालवाला सचिव हुनुहुन्छ । यसअघिका प्रमुख निर्वाचन आयुक्त अयोधिप्रसाद यादव र सदस्य इला शर्मा आइतबार सेवानिवृत्त हुनुभएको थियो ।

रिक्त आयुक्त पदमा भने कसैलाई पनि सिफारिस गरिएको छैन । यस्तै बैठकले समावेशी आयोगको सदस्यमा विष्णुमाया ओझालाई नियुक्त गर्न सिफारिस गरेको छ । विपक्षी दलका नेता शेरबहादुर देउवाको अनुपस्थितिमा नै बैठकले नाम सिफारिस गरेको हो । नेपाली कांग्रेसका सभापति एवं संसदीय दलका नेता देउवाले आफू उपस्थित हुन नसक्ने जानकारी लिखित रुपमा गराएकाले उहाँको अनुपस्थितिमा पनि नाम सिफारिस गरिएको परिषदले जनाएको छ ।
२०७५ चैत्र ११ गते साँझ ६ : १८ मा प्रकाशित