समायोजन खबर खोटाङ,
गायक इसान बशन्तको नयाँ भिडियो गीत बजारमा आएको छ । सांगीतिक क्षेत्रमा संघर्षरत गायक इसानको ‘आफु त हजुर’ बोलको गीत बजारमा आएको हो । विकास चौधरीको शव्द र संगीत रहेको गीत आईतबार खिचडी नेपाल प्रोडक्सनको यूटुवमार्फत सार्वजनिक गरिएको हो । बैदेसिक रोजगारमा गएका नेपाली युवाको कथा–व्याथा र समस्यालाई चित्रण गरिएको भिडियो गीतमा गायीका÷मोडल अर्जुना राई, शुभम चामलीङ, निश्चल राई, शुभकाजी लगायतको अभिनय रहेको छ ।

आवर मञ्जुश्री स्टुडियोमा रेकर्ड गरिएको भिडियो गीत सञ्जय हमालको एरेन्जमा रिलिज गरिएको हो । हाल स्वयम्भु बसिरहेका गायक इसानले २०७१ सालदेखि औपचारिकरुपमा सांगीतिक यात्रा सुरु गरेका हुन् । यसअघि ‘फेरी पनि’ बोलको राष्ट्रिय गीत बजारमा ल्याइसकेका इसानले तीन वटा नयाँ गीत तयार भइरहेको बताए ।
२०७५ फागुन २७ गते साँझ ६ :१७ मा प्रकाशित