समायोजन खबर काठमाण्डौ,
नेपाली कांग्रेसका सांसदहरुले रोष्ट्रम घेराउ गरेपछि प्रदेश ५ को प्रदेशसभा बैठक स्थगितभएको छ । थपगरिएको समय सकिन लाग्दा समेत प्रदेशको स्थायी राजधानी र नामाकरण सिफारिस गर्न गठित विशेष समिति राय सुझाव लिन जिल्ला नगएको विरोधमा कांग्रेसले आज रोष्ट्रम घेराउ गरेको हो ।

निर्धारित समय भन्दा ४५ मिनेट ढिला गरी सुरु भएको प्रदेशसभा बैठकमा सभामुख पूर्णबहादुर घर्तीले संसदको कार्य अगाडि बढाउन थाले लगत्तै कांग्रेस सांसदहरु आआफ्नो ठाउँबाट उठेर विरोध जनाएका थिए । विपक्षीदलका नेता बलदेव शर्मा पोखरेलले केही असहमति भएको बताएपछि सभामुख घर्तीले कुरा राख्न समय दिनुभयो । प्रतिनिधित्वको नाममा विशेष समितिलाई राय सुझाव लिन जिल्ला नखटाएर समितिको म्याद गुजार्ने षडयन्त्र भइरहेको भन्दै समितिका सदस्यहरुलाई काममा नखटाएसम्म कांग्रेसले संसद अवरोध गर्ने पोखरेलले बताउनुभएको थियो ।
२०७५ माघ २२ गते साँझ ७ : १७ मा प्रकाशित