चिसाङ शेर्पा खोटाङ,
खोटाङको हलेसी तुवाचुङ नगरपालिका–७ महादेवस्थानस्थित महेन्द्रोदय माविमा यङगिला राईको अध्यक्षतामा १९ सदस्यीय किरात राई विधार्थी संघ इकाई कार्य समिति गठन भएको छ । बुधबार गठन भएको समितिको उपाध्यक्षमा आशिष राई, सचिवमा विकला राई, सहसचिवमा चरण राई र कोषाध्यक्षमा यशोदा राई छन् ।

आगामी वर्षको बैशाख २६,२७ र २८ गते दिक्तेलमा हुने किरात राई विधार्थी संघको नवौं राष्ट्रिय सम्मेलनलाई भव्य रुपमा सफल बनाउका लागि इकाई कार्य समिति गठन गरिएको हो ।

समिति गठनमा किरात राई विधार्थी संघका केन्द्रीय संगठन विभाग प्रमुख अन्जिल राई,केन्द्रिय अनुशासन विभाग प्रमुख उदिम चाम्लिङको उपस्थिती रहेको थियो । सम्मेलनलाई थप प्रभावकारी र भव्य बनाउन किरात राई विधार्थी संघले जिल्लाको मावि तथा क्याम्पसहरुमा इकाई कार्य समिति गठन गरिरहेको छ ।
यो पनि पढ्नुहोस

दुर्छिममा किरात राई विधार्थी संघ इकाई कार्य समिति गठन

२०७५ माघ १६ गते साँझ ६  : १७ मा प्रकाशित