चिसाङ शेर्पा खोटाङ,
खोटाङको त्रिधार्मिकस्थल हलेसी दर्शनका लागि प्रदेश नम्बर १ का प्रदेश प्रमुख प्रा डा. गोविन्द बहादुर तुम्बाहाङ हलेसी आउनुहुने भएको छ । दर्शनका लागि उहाँ बुधबार साँझ हलेसीमा आइपुग्ने कार्यक्रम छ ।

बिशेषगरी दर्शनकै कार्यक्रम लिएर आउन लाग्नु भएका प्रदेश प्रमुखले बिहीबार बिहान साढे ८ बजे हलेसी दर्शन गर्ने कार्यक्रम रहेको उनका प्रेस सल्लाहाकार शेखर रेग्मीले जानकारी दिए । दर्शनपछि हलेसी तुवाचुङ नगरपालिका निरिक्षण गर्ने समेत जनाइएको छ । सोमबार मात्रै भुटानी महारानी आसी दोर्जी वाङमो वाङचुकले हलेसीको दर्शन तथा अवलोकन गरेकी थिइन् ।
२०७५ माघ १५ गते दिउँसो २ : १४ मा प्रकाशित