समायोजन खबर खोटाङ,
भूकम्प पछिको पुननिर्माण अन्तर्गत साकेला गाउँपालिकामा ५० प्रतिशतभन्दा बढी काम सकिएको छ । कूल ५ सय ३१ लाभग्राहीमध्ये आधाबढीको घर निर्माण भईसकेको र निर्माण सम्पन्न प्रमाणपत्र समेत पाईसकेको गाउँपालिकाका अध्यक्ष अर्जुनकुमार खड्का (झङ्कार)ले जानकारी दिए ।

गाउँपालिकाका ५ वटा वडा अन्तर्गत ७३ जना भूकम्प पीडित परिवारले घर निर्माण सम्पन्न गरी तेश्रो किस्ता बुझेका छन् । त्यस्तै २ सय ५० घरपरिवारले दोश्रो किस्ता अनुदान लिएर निर्माणको अन्तिम चरणमा पुगिसकेका छन् भने पहिलो किस्ता रकम लिने पीडित परिवारहरुले पनि धमाधम घर निर्माणको काम गरिरहेको अध्यक्ष खड्काको भनाई छ । अध्यक्ष खड्काका अनुसार –‘पहिला नै बनिसकेका घरहरुमध्ये २ सय घर परिवार यस गाउँपालिकाबाट समेटिनेछ । भूकम्प पुर्ननिर्माणको काममा जिल्लाका दश पालिकामध्ये साकेला अघि रहेको अध्यक्ष खड्काको दावी छ ।
२०७५ पुस १५ गते मध्यान्ह १ः ०९मा प्रकाशित