समायोजन खबर खोटाङ,
आज गुरुङ समुदायले पुरानो वर्षको बिदाइ र नयाँ वर्षलाई स्वागत गरेर ‘तमु ल्होसार’ पर्व मनाउँदैछन् । खोटाङको विभिन्न स्थानमा वसोवास गरिरहेका गुरुङ समुदायले पनि एक आपसमा जम्मा भई ल्होसार मनाउदै छन् । खोटाङको बुईपा, नेर्पा, कुभिण्डे, दुबेकोल, बाक्सिला, निर्मलीडाँडा, बाझेच्यानडाँडा लगायतका स्थानमा ल्होसार मनाईने गरिन्छ ।

तमु ल्होसारको अवसरमा आज गुरुङ समाजले काठमाडौंको टुँडिखेलमा विशेष कार्यक्रम आयोजना गर्दै छ । ल्होसारको अवसरमा गुरुङ समुदायको बढि बसोबार रहेको गण्डकी प्रदेशमा आज सार्वजनिक विदासमेत दिइएको छ ।‘ल्हो’ को अर्थ वर्ष र ‘सार’ को अर्थ फेरिनु भएकाले वर्ष फेरिने दिनलाई ‘तमु ल्होसार’ भनिएको गुरुङ समुदायको विश्वास छ ।
२०७५ पुस १५ गते बिहान ११ : ४५ मा प्रकाशित