चिसाङ शेर्पा खोटाङ,
खोटाङकी नव गायिका प्रबृत्ति राईको आवाजमा पहिलो गीत सार्वजनिक भएको छ । २०७४ साल फागुन १ गतेबाट दिक्तेलस्थित साईनो कला केन्द्रमा संगीत अध्ययन गरिरहेकी प्रबृत्तिको आवाजमा ‘तिम्ले मलाई छाडी जाँदा मेरो के हालत हुन्छ ।’ बोलको गीत जेरुङ फिल्मको युट्युब च्यानलमार्फत सार्वजनिक भएको हो ।

खोटाङका युवा साहित्यकार प्रमोद श्रेष्ठको शब्द र भक्त कुमार बिश्वकर्माको संगीत रहेको गीतलाई जिबनको पहिलो पटक प्रबृत्तिले गाएकी हुन् । गएको साउन २ गते ओखलढुंगामा सम्पन्न भिजन आईडल फस्ट रनरअप भएकी दिप्रुङ चुईचुम्मा गाउँपालिका–४ बतासेकी १६ वर्षीय प्रबृत्ति संगीत क्षेत्रमा उज्ज्वल भविष्य बोकेकी गायिका हुन् । उनले गाएको गीतमा माया र प्रेममा धोका खाएपछि प्रेमीलाई हुने पिडाको भाव उजागर गरिएको छ ।

लिप्सिङ भिडियो सहित

यो पनि पढ्नुहोस

फस्ट रनरअप हुंदा जताततै आमा देखे : प्रबृत्ति