चिसाङ शेर्पा खोटाङ,
प्रगतीशील लेखक संघ खोटाङको जिल्ला सम्मेलन पुसको अन्तिम साता हुने भएको छ । गुम्दै गएको प्रगतीशील सांस्कृतिक आन्दोलनलाई उजागर गर्ने उद्देश्यले आगामी पुस २८ गते शनिबार जिल्ला सम्मेलन हुने भएको हो ।

प्रगतीशील लेखक संघको राष्ट्रिय परिषद सदस्यद्धय बेदी कुमार राई र ओम प्रकास घिमिरेको उपस्थितीमा मंगलबार दिक्तेलमा बसेको बैठकले सम्मलेन गर्ने निर्णय गरेको हो । सम्मेलनका लागि हेम कुमार राईको संयोजकत्वमा १७ सदस्यीय आयोजक समिति गठन गरिएको छ ।

माक्र्सवादी विचार धारा मान्ने सम्पुर्ण लेखकहरुको साझा संगठन प्रगतीशील लेखक संघले जिल्ला सम्मेलन गरी नयाँ समिति चयन गर्नेछ । जिल्लामा २०६३ सालयता निस्क्रीय रहेको संघलाई पुर्णता दिनका लागि गरिने जिल्ला सम्मेलनमा केन्द्रिय अध्यक्ष मात्रिका पोखरेलको उपस्थिती रहनेछ ।