चिसाङ शेर्पा खोटाङ,
दिक्तेलमा लैङ्गिक हिंसा विरुद्धको १६ दिने अभियानको समापन र ७० औ अन्तर्राष्ट्रिय मानव अधिकार दिवसको अवसरमा -याली निकालिएको छ । महिला हिंसाका घटनालाई न्यूनीकरण एबं हिंसामा संलग्न दोषीमाथि कानुनी कारबाहीका लागि दवाव स्वरुप -याली निकालिएको हो ।

राष्ट्रिय मानव अधिकार आयोग प्रदेश नं. १ शाखा कार्यालय दिक्तलको आयोजनामा दिक्तेल रत्नपार्कदेखी त्रिबेणीचोक हुदै जिल्ला समन्वय समितिको हलसम्म निकालिएको -यालीमा आयोगका कार्यालय प्रमुख सुबोध पोखरेल, जिल्ला अदालत खोटाङका न्यायधिश किशोर घिमिरे, जिल्ला समन्वय समितिका पदाधिकारी, दिक्तेल रुपाकोट मझुवागढी नगरपालिकाकी उपप्रमुख विणा देवी राई, प्रमुख जिल्ला अधिकारी सुरेन्द्रराज पौडेल, तीनै सुरक्षा निकाय प्रमुख, राजनीतिक दलका प्रमुख तथा प्रतिनिधिहरु सहभागि थिए ।

-यालीपछि जिल्ला समन्वय समितिको सभाहलमा आयोजित कार्यक्रममा महिला हिंसा विरुद्ध १६ दिन मात्रै नभइ ३६५ दिननै सबैजना आ–आफ्नो स्थानबाट लागि पर्नुपर्ने बक्ताहरुले बताएका थिए ।

२०७५ मंसिर २४ गते मध्यान्ह १२ :२८ मा प्रकाशित