समायोजन खबर खोटाङ,
खोटाङको हलेसी तुवाचुङ नगरपालिका–८ धितुङका १०२ घरमा उज्यालो भएको छ । हलेसी तुवाचुङ नगरपालिका र विद्युत प्राधिकरण दिक्तेल वितरणको संयूक्त लगानीमा विजुली बलेपछि उज्यालो भएको हो ।

गत असोजदेखि विद्युत बिस्तारको काम थालिएको धितुङमा काम सम्पन्न भएपछि शुक्रबारबाट विजुली वलेको छ । हलेसी तुवाचुङ नगरपालिकाका नगर प्रमुख इवन राईले उद्घाटन गरेको विजुलीले साविकका वडाहरु ७,३ र ६ मा उज्यालो छाएको धितुङका वडा सदस्य खेमराज कार्कीले जानकारी दिए । साविक वडा नम्वर ४, ५ र ८ मा विद्युत बिस्तारको कार्य भईरहेको छ भने, साविकको वडा नम्वर १, ९, ६ र २ मा यस अघि नै विजुली बलिसकेको छ । विजुली बल्न बाँकी रहेका वडाहरुमा यस आर्थिक वर्षभीत्रै विजुली बत्ती बालिने नगरप्रमुख राईले बताए ।
२०७५ मंसिर २२ गते साँझ ७ :२७ मा प्रकाशित