समायोजन खबर खोटाङ,
बाबुआमाको मृत्यु भएपछि बिचल्नीमा परेका खोटाङको हलेसी तुवाचुङ नगरपालिका–८ धितुङका ७ बालबच्चालाई थप आर्थिक सहयोग जुटेको छ । करेन्ट लाग्दा गत साउन १८ गते ज्यान गुमाएका हलेसी तुवाचुङ नगरपालिका–८ धितुङका चन्द्र किरात र अनिच्छुक गर्भपतन गराउनेक्रममा स्वास्थ्यकर्मीको त्रुटीका कारण २०७३ साल भदौ १९ गते जिल्ला अस्पतालमा ज्यान गुमाएकी तलकुमारी राईको ५ छोरी र २ छोरालाई पोखरा महानगरपालिका–७ अन्नपूर्णटोलका समाजसेबी कुमार गुरुङले ५ हजार आर्थिक सहयोग गरेका हुन् । गत कात्तिक २७ गते नागरिक दैनिकमा प्रकाशित ‘१६ वर्षको उमेरमा ६ भाईबहिनीको अभिभाबक’ शिर्षक समाचार पढेपछि समाजसेबी गुरुङले टुहुराटुहुरी बालबच्चालाई सहयोग रकम पठाएका हुन् ।

नागरिक दैनिकको पोखरास्थित क्षेत्रीय कार्यालयमार्फत खोटाङ सम्बाददाता दमन राईको खातामा जम्मा भएको रकम हलेसी तुवाचुङ नगरपालिकाकी उपमेयर बिमला राईले राई परिवारकी जेठी छोरी बुङाटुङ चामलीङलाई हस्तान्तरण गरेकी छन् । धितुङका वडाध्यक्ष पृथीराज राई, आफन्त र सञ्चारकर्मीको रोहबरमा भक्तपुर जडिबुटीमा आयोजित कार्यक्रममा उपमेयर राईले गुरुङबाट प्राप्त भएको ५ हजार रकम बुङाटुङलाई हस्तान्तरण गरेकी हुन् । बाबुआमा गुमाएपछि बिचल्नीमा परेका ४ वर्षदेखि १६ वर्ष उमेरका टुहुरा बालबच्चाको लालनपालन एबं उच्च शिक्षा अध्ययनका लागि गुरुङले सहयोग रकम प्रदान गरेको बताए ।
माथी तस्विरमाः राई परिवारकी जेठी छोरी बुङाटुङलाई सहयोय रकम हस्तान्तरण गर्नुहुंदै उपप्रमुख बिमला राई (दायाँबाट तेश्रो) २०७५ मंसिर १७ गते दिउँसो ४ :०९ मा प्रकाशित