समायोजन खबर खोटाङ,
जिल्लामा एघार वर्षपछि ज्यान मार्ने उद्योग मुद्धामा दोषी ठहरिएका अभियुक्त जेल चलान भएका छन् । जिल्ला अदालत खोटाङबाट ज्यान मार्ने उद्योगमा २०६४ साल बैसाख २० गते ६ वर्ष ७ महिना १० दिन कैंद सजाय सुनाइएका केपीलासगढी गाउँपालिका–७ सुंदेलका ५६ वर्षीय सानकुमार राई शुक्रबार जेल चलान भएका हुन् ।

अदालतबाट कैंद सजायको फैसला सुनाइए पनि हालसम्म फरार रहेका राईलाई पक्राउ गरेको दोश्रो दिन कारागार चलान गरिएको जिल्ला प्रहरी कार्यालय खोटाङका डिएसपी राजकुमार केसीले बताए । घरैमा लुकिछिपी बसिरहेको सूचनाका आधारमा बिहिबार पक्राउ गरेर शुक्रबार अदालतमा उपस्थित गराइएकामा राईलाई आजै जेल चलान गरिएको प्रहरीले जनाएको छ ।
२०७५ मंसिर १४ गते साँझ ७ः३४मा प्रकाशित