चिसाङ शेर्पा खोटाङ,
जन्तेढुंगा गाउँपालिका सहित आसपासका स्थानमा सुरक्षा दिईरहेको सशस्त्र प्रहरीका लागि स्थानीयले दुईजनाले ७ रोपनी ९ आना जग्गा निःशुल्क प्रदान गरेका छन् । जन्तेढुंगा गाउँपालिका–५ चिसापानीका स्थानीय पुष्प सापकोटा र सिताराम सापकोटाले सशस्त्र प्रहरीको बेशक्याम भवन निर्माणका लागि निःशुल्क जग्गा दान गरेका हुन् । सशस्त्र प्रहरीको भवन बनाउन जग्गा पनि उनीहरुले पास गरि दिईसकेका छन् ।

चिसापानीस्थित होङमापोखरीमा स्थानीयले उपलब्ध गराएको जग्गामा चाडै गाउँपालिकाले सशस्त्र प्रहरीका लागि भवन बनाईदिने गाउँपालिका प्रमुख शंकर बहादुर राईले जानकारी दिए । भवनको लागत स्टामेट आउन बाँकी रहेको छ । आवश्यक बजेट गाउँपालिकाले व्यवस्थापन गर्ने उहाँको भनाई छ । हाल कृषि र पशुसेवा भवनमा कार्यालय सञ्चालन गर्दै आएको सशस्त्र प्रहरीलाई बन्ने नयाँ भवनमा पठाउने र गाउँपालिका सो भवनमा सर्ने गाउँपालिकाले जनाएको छ । यतिबेला गाउँपालिका चिसापानी बजारमा भाडामा बस्दै आएको छ ।
२०७५ मंसिर १३ गते मध्यान्ह १२ : १६ मा प्रकाशित