चिसाङ शेर्पा खोटाङ,
खोटाङको बाक्सिलामा आगलागी हुंदा अन्दाजी ६ लाख बराबरको क्षति भएको छ । केपिलासगढी गाउँपालिका–४ बाक्सिलास्थित हलमय भन्ने ठाउँका मणिराज राईको ढुंगामाटो र खरले छाएको दुईतले घरमा आगलागी हुंदा अन्दाजी ६ लाख ८५ हजार बराबरको क्षति भएको छ ।

मंगलबार दिउँसो २ बजेतिर एक्कासी लागेको आगोले मानवीय र चौपायाहरुमा क्षति नपुगको जिल्ला प्रहरी कार्यालय खोटाङका प्रहरी निरिक्षक केशब कट्वालले जानकारी दिए । आगलागी भएको खबर आएपछि प्रहरी र स्थानीयले केहीबेरमा आगो नियन्त्रणमा लिएको थियो ।
२०७५ मंसिर ११ गते राती ८ः २७ मा प्रकाशित