समायोजन खबर खोटाङ,
खोटाङको बराहपोखरी गाउँपालिका–१ बराहपोखरीका ३२ वर्षीय ज्ञानबहादुर तामाङ बहुबिवाह मुद्धामा जेल चलान भएका छन् । बहुबिवाह मुद्धामा ३२ वर्षीय तामाङ १ वर्षका लागि कारागार चलान भएको जिल्ला प्रहरी कार्यालय खोटाङका डिएसपी राजकुमार केसीले बताए ।

गत कात्तिक २९ गते पक्राउ परेका तामाङलाई आईतबार अदालतमा पेश गरिएकामा कैंद भुक्तानका लागि आईतबार नै कारागार पठाइएको हो । बहुबिवाह मुद्धामा तामाङलाई जिल्ला अदालत खोटाङले २०७१ साल भदौ १६ गते १ वर्ष कैंद तथा १० हजार जरिवाना हुने फैसला सुनाएको थियो ।
२०७५ मंसिर २ राती ८ : ०९ मा प्रकाशित