समायोजन खबर खोटाङ,
जिल्लाको दुर्छिम चुमाखुका राजकुमार राईको मंगलबार राती घर जलेर नष्ट भएको छ । आगलागीमा हलेसी तुवाचुङ नगरपालिका–५ दुर्छिम चुमाखु निवासी राईको पाँच लाख बराबरको क्षती भएको प्रहरीले जनाएको छ । आगलागीमा घर जलेसँगै राई परिवारको बिचल्ली भएको छ ।

रातका समय आगलागी भएको र पानी अभावका कारण आगोबाट घर तथा घरमा भएका थोकबस्तु जोगाउन नसकिएको ईलाका प्रहरी कार्यालय हलेसीले जनाएको छ । अकस्मात घरको धुरीमा देखिएको आगलागीको कारण खुल्न सकेको छैन ।
२०७५ कार्तिक २८ गते राती ८ : ३९ मा प्रकाशित