समायोजन खबर खोटाङ,
चक्कु प्रहार गरी आफ्नै श्रीमतीको हत्या गरेको अभियोगमा खोटाङका एक पुरुषलाई प्रहरीले पक्राउ गरेको छ । प्रहरीले श्रीमती हत्याको अभियोगमा खोटाङको जन्तेढुंगा गाउँपालिका–१ देविस्थान घर भई काठमाडौं बुढानिलकण्ठ नगरपालिका–१० माउण्ट कैलाशडाँडा कपनमा डेरा गरि बस्ने ४० वर्षीय सुबास राईलाई आइतबार राती प्रहरीले पक्राउ गरेको हो ।

सामान्य विवाद परेपछि आफ्नै कोठामा ३५ वर्षीया श्रीमती प्रमिला राईको चक्कु प्रहार गरी हत्या गरेको आरोपमा उनलाई पक्राउ गरिएको प्रहरीले जनाएको छ । चक्कु प्रहार लगत्तै घाइते भई उपचारको लागि हेल्पिङ हेण्ड अस्पताल चावहिल लगिएकी प्रमिलाको उपचारको क्रममा ज्यान गएको थियो । घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।
२०७५ कार्तिक २६ गते अपरान्ह २  : ४९ मा प्रकाशित