समायोजन खबर खोटाङ,
खोटाङको ऐसेलुखर्कका लागि काठमाण्डौवाट यात्रु लिएर त्यसतर्फ जाँदै गरेको बुलेरो जीप दुर्घटनामा ६ जना घाईते भएका छन् । रावावेशी गाउँपालिका– ५ दुवेकोलस्थित स्याखुने खोल्सामा बा १ ज ५६२७ नम्बरको जीप दुर्घटना ४ जना यात्रु भने गम्भिर घाईते भएका छन् ।

जसमा एसेलुखर्क गाउँपालिका–६ का ७२ वर्षीय हर्क बहादुर भटटराई, ऐसेलुखर्क गाउँपालिका–२ का २७ वर्षीय जर्मनकुमार भूजेल, उनकी श्रीमती २७ वर्षीय सरिता भूजेल र परिचय नखुलेका चालक गम्भिर घाइते भएको रावावेशी गाउँपालिका अध्यक्ष लिलानाथ निरौलाले जानकारी दिए ।

गम्भिर घाईते ४ जनालाई थप उपचारको लागि काठमाण्डौं र धरानको वी.पी कोईराला स्वास्थ्य विज्ञान प्रतिष्ठान पठाईएको गाउँपालिका प्रमुख निरौलाले बताए । सुनसरीको तरहरा मोली १९ की ४० वर्षीय खेम कुमारी बस्नेत र सोलुखुम्बु जुबु –४ का २६ वर्षीय संदिप गुरुङ भने समान्य घाईते भएका छन् । उनिहरुको प्राथमिक स्वास्थ्य चौकी ऐसेलुखर्कमा उपचार भईरहेको जनाईएको छ ।
२०७५ कार्तिक २० गते साँझ ५  : ३३ मा प्रकाशित