चिसाङ शेर्पा खोटाङ,
साकेला गाउँपालिकाको वडा नम्बर ४ मात्तिममा अपांगता तथा जेष्ठ नागरिकहरुलाई परिचयपत्र वितरण गरिएको छ । जेष्ठ नागरिक र अपांगता भएकाहरुले राज्यबाट पाउने सेवा सुविधावाट बञ्चित नहोस भन्ने उद्देश्यले परिचयपत्र वितरण गरिएको हो ।

मात्तिममा बिहीबार अपांगता भएका २४ जना र ११६ जना जेष्ठ नागरिकलाई शाररिक प्रकृती खुल्ने परिचयपत्र वितरण गरिएको प्रशिक्षार्थी पत्रकार यामकुमार खड्काले जानकारी दिए । अपांगता तथा जेष्ठ नागरिकलाई गाउँपालिका प्रमुख अर्जुन कुमार खड्का, कार्यकारी अधिकृत रविन मगर र सामाजिक विकास समितिका अध्यक्ष मणि कुमार राईले परिचयपत्र वितरण गरे । बुधबार खिदिमामा २१ जना अपांगता र ११४ जना जेष्ठ नागरिलाई परिचयपत्र वितरण गरिएको थियो ।

२०७५ कार्तिक १५ गते साँझ ७  :३६ मा प्रकाशित