चिसाङ शेर्पा खोटाङ,
धार्मिक तथा पर्यटकीय त्रिधार्मिकस्थल हलेसी मन्दिरमा उड्न तथा खान नसक्ने परेवाका बचेरा चडाउन रोक लगाईएको छ । भाकल पूरा गर्ने नाममा दर्शनार्थीले परेवाका स–साना बचेरा चडाउने गरेको र ति बचेरा मरेर मन्दिरमा दुर्घन्ध फैलिएका कारण त्यस्ता परेवाका बचेरा चडाउनमा रोक लगाएको हो ।

दर्शनार्थीले आफ्नो भाकल पूरा गर्नका लागि परेवा चडाउने तर, साना बचेराले चारो खाना नसक्ने र मरेर फोहोर बढेकाले अवदेखि खान तथा उड्न सक्ने ठुला परेवामात्र चडाउन पाइने हलेसी तुवाचुङ नगरपालिकाका नगर प्रमुख इवन राईले जानकारी दिए ।

मन्दिरमा सधैजसो दुर्घन्ध फैलिएको भएपनि के कारणले त्यस्तो भएको हो भन्ने लामो समयसम्म अध्ययन र अनुगमनले परेवाका बचेरा मरेर दुर्घन्ध भएको पत्ता लगाउनासाथ त्यस्ता परेवाका बचेरा चडाउनमा रोक लगाइएको हो ।
२०७५ कार्तिक १५ गते साँझ ७  : १६ मा प्रकाशित